Politica da qualitad

Davart politica da qualitad capin nus las premissas per tuttas mesiras ch’ein basigneivlas per realisar il maletg directiv.

Cussadents e confamiliars

Nus promovein la cuntentientscha ed il beinstar dils cussadents sco da lurs confamiliars e las persunas da referiment privatas entras in bien accumpignament ed ina tgira professiunala. Nossas activitads e mesiras sebasan sin ina planisaziun d’accumpignament e da tgira, la quala ademplescha aschi bein sco pusseivel ils basegns individuals dils carstgauns confidai a nus. Cun ils confamiliars ni representants legals vegn il brat d’informaziuns tgiraus cun respectar il schurmetg dalla persunalitad. Cussegliaziun e sustegn vegnan offri e purschi. Basegns individuals per promover la qualitad da viver vegnan risguardai. Atgnas mobilias e requisits persunals procuran per in’emperneivla atmosfera da habitar e per il manteniment dalla qualitad da viver. Animals da casa san aschi bein sco pusseivel ed en concordanza cun il meinacasa vegni pri cun sesez. Lur quitau sto vegnir garantius entras ils cussadents.

Alimentaziun

Nus purschein spisas variontas ed equilibradas cun la pusseivladad d’eleger e quei en in’atmosfera agreabla e cun in service cultivau. Basegns individuals e giavischs vegnan risguardai ed ei vegn mess peisa sin products stagiunals. Products frestgs, caschiel e carn vegnan ton sco pusseivel cumprai en ella regiun ed ei vegn oravontut preferiu products da bio. Enteifer la schelta dils menus vegn era priu risguard sin disas da magliar tradiziunalas da nos cussadents.

Miedis

Miedis ein partenaris da contract da nos cussadents e la schelta da miedi ei libra. Las collaboraturas tgiran cun ils miedis in cuntact aviert e corrispundan a lur giavisch per in‘informaziun cumpetenta. Entras la stretga collaboraziun garantin nus cuntinuitad e professiunalitad dil provediment medicinal dils cussadents.

Collaboraturas

Las collaboraturas vegnan tractadas da lur superiurs a moda apprezionta. La cumpetenza professiunala e persunala dallas collaboraturas vegn appreziada. Las collaboraturas san contribuir lur habilitads dalla caussa e dil fatg. Entras ina schelta da persunal conscienziusa, discuors da collaboraturs constructivs e formaziuns da perfecziun planisadas scaffin nus leutier las premissas necessarias. Egl agen camp d’incumbensas sa e sto vegniu luvrau en atgna responsabladad. Aschuntau leutier vegn cun sedutas ed occurrenzas interdisciplinaras tier tematicas specialas ni tematicas actualas la collaboraziun e la tenuta da lavur communabla el senn dalla Corporate Identity (pareta enviers igl intern ed anoraviars) sustenida. La cuntentientscha dalla singula collaboratura ei in da nos intents centrals. Constataziuns ord retschercas da persunal vegnan repridas e culan entras mesiras en la lavur quotidiana.

Purtaders ed interessai

Il scomi cun il purtader (corporaziun dallas vischnauncas da Sumvitg, Trun e Breil/Brigels) e la fundaziun Casa s. Martin succeda entras lur organs, il cussegl da fundaziun/la radunonza da delegai e la cumissiun casa. Contact special vegn tgirau cun il president dalla cumissiun casa. Era cun la cumissiun casa ed ils dus cussegls vegn communicau aviartamein e transparentamein a caschun dallas sedutas. Il meinacasa stat a disposiziun per informaziuns a moda nuncumplicada als commembers dils organs.

Cun igl uffeci da sanadad dil cantun vegn il cuntact necessari tgiraus, aschia che sias pretensiuns ed obligaziuns san vegnir ademplidas cun risguardar ils interess dalla casa.

Communicaziun externa

Cun precisas informaziuns, occurrenzas publicas ed il menaschi d’ina cafetaria vegn il contact tier la publicitad tgiraus. Quella vegn cheutras era sensibilisada ed integrada per ils interess dils carstgauns attempai e che han basegns da tgira.
La casa sa sin giavisch vegnir visitada.

• Entras differents mieds vegn communicau extern:
• Pagina d’internet actuala
• Informaziun sur app Surselva
• Informaziun a scret per confamiliars
• Gasettas localas
• Fegl ufficial Surselva

Communicaziun interna

Nus sestentein sin tut ils scalems per transparenza, stema vicendeivevla, communicaziun aviarta e confidonza.

Entras differents mieds vegn communicau intern:

• Reuniun d‘informaziun da tut il persunal
• Seduta da cader
• Formulars dil mq (exp. entradas-extradas)
• Sedutas da teams dallas secziuns
• Preit da pin sin las partiziuns
• Agenda en biro
• Cudisch da guid sin partiziun
• Monitur entrada
• Preit da pin persunal
• Preit da pin cussadents

Manteniment dalla valur dil schischom

Il schischom ed ils baghetgs dalla Casa s. Martin sesanflan grazia allas sanaziuns ed engrondaziuns dils onns 1996-1998, 2010-2011, 2014 e 2015 en in fetg bien e modern stan. Muort ina buna tgira cuzzonta dallas localitads sco era entras las renovaziuns e remplazzaments vegn garantiu che la casa satisfa neu dalla construcziun allas pretensiuns actualas e che la valur dil schischom semantegn e s’augmenta schizun.

Resursas

Nus fagein attenziun da tractar nossas resursas cun quitau e senza sfarlatar.
Nus vein quitau digl ambient e risgauardein tier la cumpra e tier la dismessa da rumians principis ecologics.

Migliurs

Ils collaboraturs dalla Casa s. Martin s’engaschan da veser e liquidar ils pensums pendents. La moda e maniera dalla realisaziun vegn examinada regularmein e tenor novas constataziuns el rom da propostas da migliur orientadas enviers igl avegnir.

Sigertad per habitonts
Sigertad da lavur e schurmetg da sanadad

Il responsabel per la sigertad en casa frequenta occurrenzas da perfecziun ed informescha e scolescha ils collaboraturs.
El center dallas stentas stat igl emprender ord il mintagadi, ord accidents bunamein succedi cun la finamira da scuvierer potenzial da prighel e da minimar cun novas mesiras.

Menaschi da qualitad

Nus implementein in sistem da menaschi tenor la metoda F.E.E e tenor la norma da qualitad ISO 9001:2015. Cun quei verifichein nus che las prestaziuns che nus vein da prestar seigien transparentas, corrispundien als basegns e ch’ellas vegnien ademplidas cumpetentamein e tenor las resursas. Il sistem da menaschi vegn valetaus e sviluppaus cuntinuadamein entras ina gruppa interna responsabla pil sistem da menaschi.